Մայիսի 21-ից 24-ը «Ինչպես գոյատևել որպես սկսնակ արվեստագետ» ծրագրի 3-րդ թողարկման շրջանավարտ արվեստագետներ Մարիամ Հակոբյանը, Զարուհի Թովմասյանը, Հասմիկ Սահակյանը և Հրանտ Խեքոյանը մասնակցեցին Թբիլիսիի արվեստի տոնավաճառին (Tbilisi Art Fair 2026)։ Նրանց աշխատանքները ցուցադրվեցին Թբիլիսիի Ազատ համալսարանի գեղարվեստի, ճարտարապետության և դիզայնի բաժնի ուսանողների աշխատանքները ներկայացնող՝ «Մարդկային գործողություններ» (Human Acts) տաղավարում։ Տաղավարի համադրողներն էին Իրենա Պոպիաշվիլին և Գիորգի Միմինոշվիլին։
Իրենա Պոպիաշվիլին վրացի համադրող է և Թբիլիսիի ազատ համալսարանի գեղարվեստի, ճարտարապետության և դիզայնի բաժնի դեկանը։ Նա երեք տարի շարունակ դասախոսել է «Ինչպես գոյատևել որպես սկսնակ արվեստագետ» ծրագրի շրջանակում, ուր և ծանոթացել է ծրագրի մասնակից երիտասարդ արվեստագետներին։
Արվեստագտների այցը Թբիլիսի կազմակերպվել է Շվեդական միջազգային զարգացման համագործակցության գործակալության (Sida) կողմից ֆինանսավորվող և Շվեդիայի Արվեստի դրամաշնորհների կոմիտեի կողմից իրականացվող ArtNexus ծրագրի օժանդակությամբ։
© Հասմիկ Սահակյան
